admin
Admin
عدد المساهمات : 447
تاريخ التسجيل : 01/10/2009
العمر : 46
الموقع : http:\\matar.lifeme.net
 | موضوع: اهل مكة منقول  الأربعاء نوفمبر 11, 2015 2:18 pm | |
| مدخل ..كان يامكان في قديم الزمان << لانو التكملة ماكنت اعرف اش فايدتها ولا اش معناها اللي هي ( وسالي أو وسالف في العصر والأون ) 
فاصل..
الله يرحمك ياستو كانت حكاياتها تجنن تجرك تسمعها غصب من حلاوتها والمغامرات اللي كانت فيها نسمعها واحنا فاتحين فمنا  مرررة حكايات ديزني والحكايات العاالمية و و و حقت دحين ماتجي جنبها مرررة 
من ضمن الحكايات ترى ماافتكرها كلها (( هيا اللي يفتكرها يفكرنا بيها ))
أمنا الغولة
الفار اللي طلع من المغسلة للبنت اللي كمبت مويا حارة عليه 
والبنت اللي دخلت الدولاب وهي عريانة وكشفوها من العجينة اللي تعملها 
وحكايات تانية والله كتيرة بس دحين ماافتكرها ازا افتكرتها اجي اقلكم هي
يلا نكمل المقدمة تاني :
كان في مدينة اسمها مكة ,, اهلها ناس طيبين ,, أهل شيمة ,, أهل قيمة ,, وقلوبهم بيضااا ,, ومايشيلو على احد ,, وحياتهم كلها حلوة 
كدا كانو ,, وكدا هماا ناس عالية الهمة ,, ولا مية ألف كلمة ماتوفي أهل مكة 
ومين شكو الزمان شكة أو حالو مالو تكة .. لا يتعب ولا يشيل هم دغري يروح لأهل مكة
[size=18]أديكم بعض الصور مقدمة عشان تعرفو مكة مزبوووط 
حمام مكة
الدكة ترى بعضهم دكتهم في البيت وبعضهم دكتهم في الشارع  رجال مكة وهما في الدكة سيدو الله يرحمو كان يجلس في الدكة وننزلو مخصوص عشان نقلو نبغى نروح البقالة ^_^ لبس رجال مكة زي اللي بالصورة هنادحين الجسيس بس اللي سار يلبس كدا وبعض الرجال الكبار في مكة 
وجبت دي الصورة عشان مكينة الخياطة زي حقت ستو الله يرحمها بالزززبط والله
دي اخليكم انتو تعرفوها يلا اش يطلع دا
ألعاب أهل مكة -- ترا لو تبغو طريقة اللعب بالألعاب دي أنزل لكل لعبة موضوع لحال ^_^ --
أهم لعبة من بين الالعاب كلها  الكيرم -- اهم شي في الكيرم ( البودرة ) عشان كدا جبت الصورة دي لأني ماكنت ألعب كنت أرشلهم بس البودرة هههههه
دي بعض من طرق اللعب المزبوط *_* تترص التكايات أول بدي الطريقة عشان الكل ياخد راحتو في اللعب وبعدين ينحط مربع الكيرم فوقوها ^_^ سهلة موو هههههههه  وهنا البودرة بعد الرش تترش بدي الطريقة ولاتمسحوها هي راح تتمسح لحالها &_&
اللعبة التانية  الضومنةوتتلعب يا أمريكي يا عادي ^_^ كنت أبغى أجيب صورة لعلبة الضومنة القديمة بس مالقيت دحين سارت أشكال وألوان منها زي حقتي دي بنوتية ماتنفع للرجال 
اللعبة التالتة  الكم كم تتلعب بالصدف 4 صدفات بس مو أكتر واللي اضافيرو طويلة مااايلعب << عشان كدا كنت دايما برة اللعبة
اللعبة الرابعة  الكوتشينة هههه قصدي الباااصرة سوري ههههههه وتتعلب بيها اشياء كتييير من أشهرها البلووت والكونكان ( الهاند ) ترا مستحيل أحد يغلبني في الهاند عشان كدا ماعلموني البلوت أخر لعبة جبتها هنا  البرجووندي ماما كانت تحب تلعبها كتيير
كلمات من أهل مكة
( ماحنزل الترجمة اتركلكم الفهم بمعرفتكم مو عرفتو أهل مكة خلاص ) بيت الما الدقيسي المركّب القرندي الفقده توتوا المغراف على طبطابي مِرَسْتَكَه وايق مرحبمبك باطِرمَة مَدَارِيْه ندرت عينك من حُقّها شَلْمَه بُخْنُق مِدَهْمَلْ زنبيل زلطة يدعك مجغجغ اندر بره العن سنسفيلك اديلو الدهليزالكرتة الكنترة القنعة الزقاق دندرمة دحديرة الدبش القابلة الدقيسي المملك يتريق بلكنو اشكلو اترنو اللغوصة قروشة اهجد الهرج حبرتي وي قوامن مضليون الحرمصة المرمشة الزلبحة العكننة يلااا يااعمو دهليز اتركلك ترجمتها هههههههه
أمثال أهل مكة
( يلا الشاطر هنا اللي يقلي كل مثال متى ينقال ^_^ )إذا جيت رايح كتر من الفضايح
او إذا جيت رايح كتر من الملايح
-------
بعد ما أكل واتكا قال ريحته مستكا
---------
حاجه ما تهمك وصي عليها جوز أمك
----------
ست وجاريتين على قلي بيضتين
--------------
أعمى ويلضم خرز
----------
دلع الكبار زي الشقدف على الحمار
---------
اللي ماله أم حاله يغم
-----------
كل حبه مسوسه لها كيال أعور
--------------
على قد زيتوا سرجلوا
------------
الخايبه تتعلق بالحبال الدايب
---------------
عقربه في الغار ولا ضره في الدار
-------------
خاتم بفصو وكل شي ترصوا
------------
أهري وانكتي يا جاره وأنا
-----------
ثابته زي العماره
------------
شايل لنا طيران عبد القادر
-----------
لو لك شي عند الكلب قول له يا سيدي
--------------
لا تقرصيني يا نحله ما أبغالك عسل
---------------
يحسدوا الفقير على موتت الجمعه
-------------
سكتنا له دخل بحمارووو
--------------
ما يقدروا على الحمار يقدروا على البردعة
------------
اذا حلقوا لغيرك بل راسك واستنى
--------------
ايش عرف الحمير بأكل الجنزبيل
-------------
البيض الفاسد يدحرج على بعضه
------------
حاجة ما تهمك وصي عليها جوز امك
-------------
ست و جاريتين على قلي بيضتين
--------------
اذا تعاندوا الحمير يا بخت الركاب
-----------
البيضه ما تخابط حجر
---------------
حبيبك يمضغ لك الزلط وعدوك يعد لك الغلط
---------------
حمارتك العرجة تغنيك عن سؤال اللئيم
-------------
داخل مع بيت العروسه نادر مع بيت العريس
-------------
ياريتني بيضه وعرجه اصلوا البياض فرجه (بضم الفا)
---------------
يااخد القرد بماله يروح المال ويبقا القرد على حالو
------------
الله من محبته في عبيدو جعل العمر والرزق بيدو
----------------
اللي يشوفني بعين اشوفوا باتنين
----------------
اللي ماله ام حاله يغم
---------------
كنس بيتك ورشه ماتدري مين يخشوا
-------------
كل حبه مسوسه لها كيال اعور
--------------
مين يشوفك يالي في الضلام تغمز
---------------
على قد زيتوا سرجلوا
-------------
ماتعرف خيري لين ماتجرب غيري
-------------
عقربة في الغار ولا ضُرة في الدار
----------
فقير اتجوز فقيرة خلفوا وجع القلب
----------------
كبيرهم فلفل وصغيرهم زنجبيل واللي في الكوفلة يقول من العايدين
------------
خاتم بفصو وكل شيء ترصوا
------------
خشوني لاتنسوني ولعوا الشمعة وشوفوني
-------------
عمية تحفف مجنونة وتقولها حواجبك سودا ومقرونة
--------------------
الصرمة والقبقاب صاروا أصحاب
---------------
يا داق الموية في المهراس يا مربي وليد الناس
----------------
كل عيش البخيل ولا تأكل عيش المنان
-----------------
أدب ولدك وان زعلت امه
-------------------
يابخت من بكاني وبكى الناس عليه ولا من ضحكني وضحك الناس عليه.
--------------------
رضينا بالهم والهم ما رضي بينا
---------------
اتملت العدوة وقلت المروه
---------------------
أكلوا الملوخية وصاروا أفندية
-------------
لمن كنا ما كانوا ولمن رقدنا قاموا
-----------------
قالوا متى طلعت القصر قالوا أمس العصر
----------------
العروسه للعريس والجري للمتاعيس
-------------
سلامتك والهيل والقرنفل قمامتك
--------------
اللي يشيل قربه مخروقه تنقط على راسه
--------------
الحجر من الارض والدم من راسك
--------------
أخوانك من أمك زي الدهب في كمك و أخوانك من أبوك زي القوم لما ينهبوك
--------------
من بيت أصقع لبيت أرقع
--------------
مطبق العاده و معصوب كل يوم
------------
كل محضر بالتوب الاخضر
------------
باب المجلس يقول باب السطوح .. اللي يجي يجي .. واللي يروح يروح
--------
خليها في القلب تجرح و لاتخرج بره ترمح
-----------
الحر من غمزة والحمار من رفزه
---------
يضرب هذا المثل لايضاح الفرق بين النبيه والبليد.
--------------
خطبوها اتعززت تركوها اتندمت
------------
يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان
---------
دلع الكبار زي الشقدف على الحمار
------------
يضرب هذا المثل لخروج العجوز عن وقاره وجديته
-------------
قلبي على ولدي انفطر وقلب ولدي عليا حجر
---------------
ارضى بقردك لايجيك اللي أقرد منوو
---------------
[/size] | |
|
